Sgwrsio am Y Gyllideb a Blaenoriaethau 2026/27

To read this page in English visit https://www.letstalkmonmouthshire.co.uk/budget-2026-27

Hoffem sgwrsio gyda chi am y gyllideb arfaethedig a blaenoriaethau'r cyngor ar gyfer 2026-27. Bydd ein hymgynghoriad blynyddol yn cychwyn am 9am ddydd Iau 22 Ionawr tan 5pm ddydd Mercher 18 Chwefror, 2026.

Bob blwyddyn, mae Cyngor Sir Fynwy yn gwneud penderfyniadau trylwyr o ran sut i ddefnyddio ei gyllideb yn y ffordd fwyaf effeithiol ac effeithlon i ddarparu'r gwasanaethau allweddol rydych chi a holl drigolion Sir Fynwy yn dibynnu arnynt.

Rydym yn ymroddgar i helpu'r rhai mwyaf bregus; rhoi'r dechrau gorau mewn bywyd i blant, mynd i'r afael â newid yn yr hinsawdd a sicrhau bod pob punt yn cael ei wario'n ddoeth.

Mae ein cyllideb a'n blaenoriaethau arfaethedig ar gyfer y blwyddyn ariannol 2026-27 yn adlewyrchu'r hyn sydd, yn eich barn chi, o bwys i chi, sef eich gwasanaethau lleol - a chyn i ni ddod i benderfyniad terfynol, rydyn ni am glywed eich barn.

Mae eich adborth yn ein helpu i ddeall a ydym yn canolbwyntio ar y blaenoriaethau cywir. Mae hefyd yn dangos a yw'r cynigion yn ymddangos yn deg, yn rhesymol, ac yn berthnasol i chi a'ch cymuned. Mae eich mewnbwn wedi llywio’r gyllideb o'r blaen, a gall wneud hynny eto.

Rydym wedi paratoi trosolwg o'r gyllideb ddrafft eleni a'r blaenoriaethau. Bydd hyn yn eich helpu i wneud penderfyniad gwybodus. Cymerwch olwg a rhowch wybod i ni os ydych chi'n cytuno.

Am fanylion llawn, edrychwch ar adroddiad y Cabinet a’r dogfennau ategol sydd ar gael isod. Byddant yn rhoi mwy o wybodaeth i chi am bob un o’n gwasanaethau.
Aroddiad Cabinet
Pwysau Gwasanaeth, Buddsoddiad, Effeithlonrwydd
Ffioedd a thaliadau Arfaethedig
Atodiadau a dogfennau pellach ar gael yma

Gadewch i ni sgwrsio

Mae angen i chi ddweud eich barn wrthym. Mae sawl ffordd y gallwch chi wneud hyn.

Ar-lein: Trwy llenwi’r holiadur ar y dudalen hon.

Ar bapur: Gallwch godi a dychwelyd holiadur papur i un o'n Hybiau Cymunedol, Llyfrgelloedd, neu Ganolfannau Hamdden.

Yn berson: Galwch heibio un o’r sesiynau sy’n cael eu cynnal yn ein llyfrgelloedd a’n canolfannau cymunedol. Gweler y rhestr ar y dudalen hon.

Ymunwch â chyfarfod ar-lein gyda'n haelodau Cabinet

Beth am gofrestru ar un o'n sesiynau ymgysylltu ar-lein? Gallwch ddewis un o dri dyddiad (neu bob dyddiad os hoffech). Byddwn yn recordio sesiwn, ac yn ei hychwanegu at y dudalen hon os nad yw un o'r dyddiadau’n addas, neu os ydych chi eisiau ei gwylio eto.

Cofrestrwch i ymuno ag un o'r cyfarfodydd canlynol ar-lein, drwy lenwi'r ffurflen fer ar y dudalen hon:

Dewch i sgwrsio: Byddwn hefyd yma ac acw trwy gydol y cyfnod ymgynghori, yn eich hybiau cymunedol a llyfrgelloedd. Os oes gennych gwestiwn neu os hoffech siarad â ni am y cynigion, byddwn yn hapus i sgwrsio â chi.

Pa un bynnag ffordd y dewiswch chi gymryd rhan, edrychwn ymlaen at glywed gennych. Mae eich barn yn bwysig i ni.

Sgwrsio am Sir Fynwy. Sgwrsio am y Gyllideb a Blaenoriaethau 2026-2027.