Sgwrsio am Natur Wyllt

Dull o reoli glaswelltir mewn ffordd wahanol ym mharciau, ymylon ffyrdd a mannau agored Sir Fynwy yw Natur Wyllt.

Yn lle torri'r holl laswellt yn fyr, mae rhai ardaloedd yn cael eu gadael i dyfu trwy'r gwanwyn a'r haf i greu dolydd a lle i natur. Mae hyn yn caniatáu i flodau gwyllt dyfu ac mae’n cefnogi peillwyr fel gwenyn a gloÿnnod byw.

Mae glaswelltiroedd hefyd yn chwarae rhan bwysig wrth fynd i'r afael â heriau hinsawdd. Maen nhw’n storio carbon, yn gwella iechyd y pridd ac yn helpu i leihau llifogydd trwy ganiatáu i ddŵr dreiddio i'r ddaear yn fwy effeithiol.

Sut mae glaswelltir yn cael ei reoli

Bydd ardaloedd yn cael eu rheoli ar wahanol adegau trwy gydol y flwyddyn.

Mae rhai ardaloedd yn cael eu gadael i dyfu a ffynnu trwy'r haf, gan roi amser i flodau gwyllt flodeuo a gosod hadau a dilyn cylch bywyd naturiol glaswelltir.

Mae torri glaswellt yn parhau mewn mannau hamdden, llwybrau ac ardaloedd a ddefnyddir yn rheolaidd i'w cadw'n ddiogel ac yn hygyrch. Mae dolydd yn cael eu torri yn ddiweddarach yn y tymor, cyn yr hydref, unwaith y bydd planhigion wedi cwblhau eu cylch bywyd.

Mae'r dull hwn yn creu cydbwysedd rhwng lle i natur a lle i bobl.

Mwy o wybodaeth

Gallwch ddod o hyd i ragor o wybodaeth am Natur Wyllt, sut mae safleoedd yn cael eu rheoli, a sut i greu eich dôl eich hun gan ddefnyddio'r adnoddau yn y dolenni:

• Canllaw ac adnoddau Natur Wyllt
• Sut mae glaswelltir yn cael ei reoli ar draws Sir Fynwy
• Cyngor ar flodau gwyllt a pheillwyr
• Gwybodaeth am greu a rheoli dolydd
• Gwyliwch y fideo isod!

Mae'r adnoddau hyn yn esbonio'r dull yn fwy manwl ac yn dangos sut mae rheoli glaswelltir yn cefnogi bywyd gwyllt, gwytnwch hinsawdd a mannau gwyrdd cysylltiedig.

Darllenwch drwy'r wybodaeth ar y dudalen hon ac os oes gennych unrhyw ymholiadau eraill, anfonwch e-bost at: nin@monmouthshire.gov.uk